يا مختار المخاتير

يا مختار المَخَاتير .. بحكيلك الحكايِةْ
أنا ما بحبّ الشرح كتير .. ولا في عندي غايِةْ
بدِّي تفلِّلني بكِّير .. يا مختار المَخَاتير

هِنِّي كانوا زعلانين .. أنا شو بدِّي فيهُن
قلتْ بْرَاضِي العشقانين .. زعلوا أهاليهُن
حَطّوا الحقّ عليِّي .. وقالوا أنا حشريِّة
يصطفلوا شو ما صار يصير
وخلِّي هالزير بهالبير
آه يا مختار المَخَاتير

صار في خْناق وصار في ناسْ .. كلُّن شَهَّدُوني
وكَرَكُون وهَيصةْ وحرّاسْ .. لعندك جابوني
تاري في مَحَاكِمْ .. في محكوم وحاكِمْ
شو كان بدِّي بْهالتعتيرْ
وبْخاف من الحبس كتيرْ
آه يا مختار المَخَاتيرْ